في رحاب الوطن  هل انت سوداني ؟ كيف ؟ كتب /اسامة مهدي عبد الله 

هل السوداني سحنة ؟

هل السوداني لهجه او لغه ؟

هل السوداني لون ؟

هل السوداني مكان وزمان ؟

انا اري ان كل ما قدمت من اسئله هي مكملات أو متممات لشخصية السوداني ، ولكن الذي يميز السوداني عن الآخرين هو الزي الوطني الشعبي ، قد يأتي شخص ويقول لي أن الزي السوداني يلبس مثله في عدد من الدول ولكني اتي لاقول لهذا تعال معي وشاهد لف العمامه في السودان من لف العمامه ستعرف من اين هذا الزول في السودان ، شرقا ، شمالا ، وسطا ، غربا ،من هنا تستطيع أن تميز السوداني وتعرف أن الدكتور عون الشريف قاسم عندما كتب كتابه عن القبائل السودانيه كان هذا المرجع هو السودان والسوداناويه والسوداني ، السوداني كالسودانيه ، عقب النزوح في الحرب لخارج حدود السودان علمت أن الشابه السودانيه والمراءه السودانيه تعتز بنفسها وتحترم نفسها ، وتكون حذره جدا في حركتها يميزها الثوب السوداني ،قد يأتي احد ليقول إن الثوب السوداني عند المراه السودانيه كالثوب الموريتاني ، والثوب عند المراه التشاديه ، الفرق بسيط جدا ، الا وهو في لفه الثوب انظر كيف تلبس المراه السودانيه ثوبها وكيف تلبس المراه التشاديه ثوبها وكيف تلبس المراه المورتانيه ثوبها ،المراه السودانيه بنت القبائل هي هي ، كالرجل السوداني ود القبائل ، وهنا ينكشف المجلوب والمستورد والذي تم بيع ذمته بثمن بخس ليدعي أنه سوداني ، نحن في السودان نتعدد في اللهجات وفي السحنات وفي الاختلاف الطفيف هنا وهناك في السلوك والعادات والممارسه ، لكننا نعتز بسودانيتنا ، وبارضنا وسماءها ونيلها وزرعها وضرعها ونخيلها وبالغابه والصحراء فيها ، سودانيه نحنا ومرتبطين بحب الوطن ، السودان هو عشق الأرض والتراب فينا ،ولهذا غني المغني ، سودانيه نحنا ,وعاشق للبلد ،بلادي انا وادي ونيل ، وخضرة ارض في الجروف عصير ، هدير النيل وكمان الوادي في الخريف والسيل ، بلادي انا قدح الضيف ، وتقابه الفكي البحفظ في كتاب الدين ، بلادي انا سماح وآمال وأمل جاي في الزمن الصعب بالحيل ، ده السودان وده السوداني والسودانيه في كل مكان .