حسن النخلي يكتب التحليق وسط الزحام _ وطن المحبة والأحبة

تعالو سوا نفكر

ونكتب قصة تكون فريدة

ونودع سنوات الحرب البغيضة

وننشر بيناتنا المحبة

وللسلام تبقي الناس ماداھ إيديھا

ويخضر غصن الريد يفرھد

ويبقي شعارنا ديمة ريدة

وندق صيوان فرحنا

ونفرح لسنين جايات عديدة

ونعلم أولادنا التسامح

ما المحبة للزول مفيدة

ومالو لو الزول فكر شوية

واتجمل بالصبر وحبة روية

وعاش أيامو في سرور

وفي سعادة

وفكر بھوادة

ما من حقو يفرح

ويشعر بالسعادة

وللوطن تبقي القضية

ما أصلو الوطن كان مسالم

ومعروف الھوية

أوشيك واحمد

وفاطنة ورضية

وجميس وأبرق

وحماد وھنية

وھارون وحامد

 و بت الجودلية

و من ديك الأسامي

عشنا في تسامي

لا حروب لا عنصرية

و أخوك عدوك لو ماعز جارك

ونعم الجار أبو البنية

ماقلل مقامو وإحترامو

ولا شاكاك في قضية

ولا غشي محارمك

ولا حرمك من التحية

**** *****

وحفظ الله البلاد والعباد.

جيش واحد شعب واحد.

دمتم سالمين ولوطني سلام.

الثلاثاء/ 19/8/2025