حسن النخلي التحليق وسط الزحام _ مسدار للوطن
عاجبني الولد الھميم من ماتب
في بيت عز أصيل كمان اتربي
لاخاصم اھل ولا جاب لھم سبة
ھادي ورزين من ما قام و شب
**** ***** ******
إن قلت الشجاعة قليبو صميم
وان درت العھد ھو ليھو ضمين
مابارا الفارغة ولا بغشاھا عميم
ود ناسا كراما من جدو لابوھ كريم
***** ****** *******
كم من ناسا عاشو عز وفخار
وللدنيا لبست توبا
وكم من ناسا عاشو زل وھوان
والأمور بقت مقلوبة
والزول الأصيل ساعة الجد
تلقاھو ھو فارس الحوبة
***** ***** *******
الولد القبيل الليھو كل الأمات تتمني
الدخري الدسيس الحقق لينا أملنا
الصافي الدھب الليھو خزنا
تمساح الدميرة البقطع لعدوھ الطنة
***** ******* ******
فوق شعاب العز يمين متاكي
ماشفناھ في يوما ابدا شاكي
حمال التقلية
وكتين جيوش الظلم بقت بتكاكي
حزا رقابھا ضمة قائد الكاكي
**** ******** *******
البرھان ود لوح وشرافة
عارف الدين ماببراھا خرافة
وكيتين العلوج علي الأوطان بقت تتلافا
البرھان جاب التايھة من اكتافا
***** ****** ******
نحن جيشنا بين الأمم معروف
كرم وجود وبالشجاعة كمان موصوف
للباسلة والامجاد ختاھا حروف
جمل تكتيك يدرسوھا صفوف .
***** ****** ******.
نحنا الموت لابنخشاھو ولا بنھابو
وجيشنا في عين العدا غرز نشابو
رماة الحدق قط ماخابوا
والدايرنا بلقانا وألف حبابو .
***** ****** *****
بصون للعروض نفوسنا ماھا خسيسة
والمعارك يمين نحنا بنحدد ميسا
كان قلت الرجالة كدي حاول قيسا
وھل من المعقول تقارن الأسود بكديسة
****** ******* ****
صقور الجو شوفھا شن سوت
خطفت اكباد العدا وكتين خوت
في الفاشر الكبير الصقور إتلوت
زھلت للعدا وعقلھم طش و فوت .
****** ******** *****
التحية لجيشنا الظافر
ديمة ليھو نغني وبيھو نفاخر
جيش قومي حقيقة ماھا مظاھر
جعلية ونوبة و زغاوة ضمة عساكر
**** ****** *****
ياربي تحفظ سودانا وناسو
وتنصر جيشنا الدوام حراسو
وتألف قلوب العباد وبالحق دوام يتواصو .
حفظ الله البلاد والعباد
جيش واحد شعب واحد.
ودمتم سالمين ولوطني سلام. الجمعة /3/10/2025
السحر والشعوذة
الحمد لله رب العالمين والصلاة والسلام على رسول الله الأمين وعلي اله وصحبه اجمعين. اما بعد …
