سلام مطبوق
نضال عثمان
مروي | 2 يونيو 2026
سلام مطبوق
سلام مطبوق لكل زول سوداني
سلام لكل زول عاود رجع لدياره من تاني
للغبش المزارعية فاتحين لبقتا وراجين يسقو الموية تحتاني
وللدهابي دق طوريتو في الواطة يقول يالله تطراني
والطالب العلم من جم وشايل قلموا اتوكل من دغش الله رباني
تجار الخدار في السوق والفريشة والدرداقة والفراني
لكل زول طلب رزق الله بالبركة واللقمة الحلال تغني
من سوق مروي الحداد والنقلتي والفكهاني
غبش ماعرفوا درب الراحة من الساقية للتحتاني
السايق غنيماتو يرعى هداك مندلي وبيعاني
بلادي أنا.. بلادي الطيبة والحنية والونسة
بلد لوجيتا تاني تجيها من تاني
وناسا بالبساطة تجيك تجبر خاطرك المكسور من تاني
بلد تكرم جميع الجاها باللقمة وبالزاد ليك تمد ايديها من تاني
بلد هي جمالا رباني
بلد نوباتا تدق في راياتا شيخ السر وحاج الماحي من تاني
بلد الفقراء والصلاح بسيطة وهادئة
بتقول ليك ما بغلط ولا بتعدى حد الجيرة حاشاني
بلد لمن يدق واسوقا تملا جداولا تسقي الغاشي والداني
بلد نوبة، بلد طنبور، بلد إيقاع
بلد عربي ورطاني
بلد تنصرا فوق وجعها مابتديهو زول تاني
بلد شايلا العديل والشين وبتقول ديلا اخواني
من الهالوجينات الملونة ماء غير آسن
الماء هذا الشراب الطاهر العذب ، الزلال ، الفرات ، فهو مباركا ، ثجاجا ، معينا مسكوبا ، منهم…
