في رحاب الوطن  بلدنا نعلي شأنها ياناس  كتب / اسامه مهدي عبد الله 

الشمالية نيل ونخيل وصحراء ورمال وارض ونشاه وامل وحضاره ومستقبل وتاريخ ،فهل بعد هذا شي .

بحر ابيض او النيل الابيض انطلاقه استقلال السودان الاول من جزيره وابا هي أرض من صمد ضد استعمار السودان وابي فهل بعد هذا حديث .

دارفور ارض المحمل وارض الثروه والشرافه وارض التسامح في كل السودان لماذا صارت هكذا ودنست اسالونا ولا تسالونا لماذا هي هكذا.

بحري والخرطوم وامدرمان كانت السودان لماذا دنست وارغمنا علي أن نهجر منها السؤال لماذا جعلونا نكره بعضنا البعض وفي السودان اليوم نكره بعضنا البعض احرموني ولا تسألوني ليه ليه صرنا مهجرين ولبعضنا كارهين وهنا تبدو قضيه .

زمان تسكن في أي حي عمرك ماسالت جارك ده قبيلته شنو ولا جيهتوا شنو الليله بقت واضحه وعلي عينك ياتاجر ، وياسوداني ، وتصفيه الحسابات بقت كده والتبليغ الي السلطات والبلاغات الكيديه بقت كده ، كيف بعد ده نقول لبعضنا سوداني وخليك سوداني وكلنا حاملين جواز سفر واحد ورقم وطني واحد ونشكك في بعضنا البعض ونجي نقول نبني الوطن سوا ، كيف ، وريني بس.

اهم واخطر مطب نحن فيه هو وحده الهدف ووحده المواطنه وصدق الفعل والقول .

بعد ده كله نقول بلدنا نعلي شأنها وسوداننا ، نادانا ، وللحديث بقيه