في رحاب الوطن  نحن شعب ثقافة وأدب وفكر  كتب /اسامة مهدي عبد الله 

نحن في السودان حديثنا سمح

فعلنا سمح ومنهجنا سمح

نحن في السودان نحب الضيف ونكرم الغريب ،نغني ونكتب الشعر في اي ساعه ، خلاوينا أن عدمت ضوء في أي مكان نوقد النيران شعار المكان ومقر تلاوه القران ، نحن في السودان نوبتنا ذكر ومديحنا صلاه علي الرسول صلي الله عليه وسلم وفكر ، نحن في السودان ، نحترم الجد والحبوبه ، ونعطف علي الصغير وعندما نخطا نعتذر ونقول لن نعيد الخطأ يايمه ويابا وتاني توبه ، نحن في السودان ، ماكنا نعرف الغدر ولو تشاكلنا مع بعض البعض نقول للواحد طالعني بره يادقيتو يادقاك وهكذا تاني كل واحد فينا بعرف قدره ومدي حدود بعضه تجاه الآخر ،ماذا جري لنا ياتري ، قبلنا بغرباء قالوا منا وهم ليس منا اضفناهم ، جنسناهم ،اصبحوا هم أهل البلد ونحن فيه غرباء ، ظنوا أننا اغبياء وسذح غدروا بنا ، نهبوا أرضنا وهتكوا عرضنا وبغباء اليوم يظنون أننا. سنقبل بهم وياتوا ليحكموننا أنهم واهمون وغدا يرون ، نحن شعب لا نقبل الظلم وغدر الغادرين وغدا يرون ، بل قريبا سيرون الله ناصرنا والخزي لهم فما هم غير غضبنا ولعنتنا لهم فاعلون وغدا ترون .