فاطمةإبراهيم ادم  تكتب  نضال سفيرة الإنسانية 

بسم الله الرحمن الرحيم وبه نستعين والصلاة والسلام على سيدنا محمد وعلى آله وصحبه أجمعين أما بعد.

اول من دخلت القاهرة حسيت بالغربة لعدم وجود الاهل والأقارب والصديقات والحرية الكانت موجودة في وطني العزيز المهم كنت بتشوق للذهاب إلى السوق كي التقي بالسودانين واشتم رائحة الوطن الحبيب كنت فاقدة اهل بلدي كتير والحمدلله رب العالمين، في أي ركن من أركان البيت أنا في المطبخ دموعي جارية لم تقف أبدا شأت الأقدار ولدي ممتحن ثالث متوسط وجاء زمن الامتحان وبصراحة كنت خايفة من مشاق الطريق فاحببت فكرة اشتراك الترحيل ولكن في آخر لحظة تعتزر مشرفة الترحيل بسبب توزيع الطلاب في مراكز مختلفة.فقمت أنا بدوري كام بالذهاب مع إبني إلي مركز الامتحانات وكان ذلك من حسن حظي لكي التقي باالسودانية الام الأصيلة نضال العبيد ويعجز القلم عن الكتابة وتعجز الكلمات عن التعبير عن الانسانة الفريدة ذات القلب الأبيض والكرم والجود وقفت وقفة بجد وفتحت منزلها لكل السودانين ما احرجت ليها شخص ولا رفعت صوتها الا بالضحكة والابتسامة ولمن اجي داخلة والقي التحية عليها نضال كيف اصبحتو واقول ليها اعفي لينا حقك يكون الرد منها بتقول لي دا واجبي بجد مثلتي المرأة السودانية الاصيلة وزرعت في جوانا حب الخير بعد ما فقدنا الأمل لسه السودان بخير وفيهو ناس طيبين وقلوبهم كبيرة يا أمهات ويا اخواتي ياريت كلنا نبقى زي نضال ونبقى أمهات لكل فقيد ولكل موجوع وقشاشين دموع ياريت نحس ببعض مع تحياتي