في رحاب الوطن  كتب /اسامة مهدي عبد الله  السودان جميل 

‏‪ السؤال لماذا نشوه الجميل

سألني أحد الخبراء السودانيين هل تعرف بلدك جيدا ، قلت له قليلا من المعرفه .

قال لي هذا لايكفي ، قلت له كيف ؟

قال لي قبل أن تنبهر ببلاد غيرك ، اعرف وطنك جيدا ، قم بالسياحه في وطنك واحفظه جيدا ، ثم بعد ذلك إذا عرفت وطنك جيدا ، سافر وطوف وتعرف علي بلاد غيرك ، حتي إذا سالك أحد تكون ملم ببلدك جيدا ، أنها مدرسه مجانيه ونصح بلا مقابل في دروس الوطن والوطنية في السودان .

في مصر هنالك الحكواتي زمان في القريه الذي يقوم علي قصصه الاطفال ويكون هذا مخزون الذاكرة الجمعية ، وفي السودان هنالك الجد والحبوبه وحجيتك مابجيتك ، هنالك في السودان ومصر الفارس والحصان الابيض والحسناء ، وهناك المرفعين والاسد وود ام بعلو وغيرها في السودان .

تعالوا نغوص في بحور العاميه السودانيه

ام جنقر هي اكله سودانيه هل تعرفونها .

هنالك الملوحه ، والكول ، والروب ،ملاح النعيميه ، الشيه في سوق الغنم ، اللبن القارص ، حليب البقر، حله العزابة القطر قام ، عصيدة سوق الاثنين ، دافوري ميدان الشعبية وكرة القدم عصر ، استاد الهلال ، استاد المريخ ، مورده موردة وسوق السمك ، ناس القوز وبصات ابو رجيله ، ام بده والسبيل وحمد النيل وميدان المصارعه زمان ، الضو حجوج والطيب عبد الله وعروس الرمال والبان جديد ، قطر والحبيب افتكر ، سفر الجفا ، وسفر اللواري ، وسفر زمان والفوكرز ، قبال البوينج ، والترايستار ، والابنوس ، والقضيم ، والخروب ، العشر ، والباروكه ، والخنفس ، ورقصه الديسكو ، والشارلستون ، وعيون الغزال والجدي وام تقدم ، والزراف ، والابلانج ، وتقل الطلح ، والجوهرة ، والعويش ، وقصب السكر ، وارنب نط تراني بنط ، والسعف ، والقفه ، والرزاز ومطر البرد البقولوا عليه اليوم مطر بتلج ، والمفراكه ، والخنجر الهدندوي ، والسيف والسكين والجبه والمركوب والسروال والسيف وسوط العنج ، والمخلايه والدوايه واللوح وقلم القصب المبري ، وتسميع اللوح والختمه والشرافه ، ده السودان ، ده بلدي ياحبوب ، فيه توب الزراق زمان ، وفيه الثوب والجرجار ، والسديري ، وفيه وفيه سلام بلدي ،سلام سودان .