في رحاب الوطن  خلاص الحرب انتهت كما قالت المدام التي تعتمد علي الحظ والمنجل حوش حوش وصلي علي النبي ياحبيب رسول الله صلي الله عليه وسلم  كتب /اسامه مهدي عبد الله 

عمنا سلمان بن عبد العزيز حفظه الله ورعاه ، حنا علينا نحن السودانيين والسودانيات واللي بحصل فينا ، قام عمك كلم ترامب وهو في زيارة الي امريكا من أجل نهضه المملكه العربيه السعوديه وفق النهضه ورؤية المملكه في عام (٢٠٣٠م) ، في كل المجالات ، ترا البشوف السعوديه الحين ترا مازي وقتنا فيها ، جمال جمال ، تطور تطور غير ، ابداع في عهد خادم الحرمين جلاله الملك سلمان بن عبد العزيز حفظه الله ورعاه وفي عهد ولي العهد الأمين محمد بن سلمان حفظه الله ورعاه ،

علي طول زي مابقولوا عامة شباب السودان في السودان وخارج السودان عمك ترامب سمع كلام عمنا محمد بن سلمان ولاول مره عمك ترامب يعرف من عمنا سلمان أن السودان ده حربه ماهي شكله بين حكومة مافي ولاشرعية لها وبين متمردين عاوزين يستولوا علي السلطه والحكم ، طبعا الكلام البمشي لترامب بمشي من سودانيين داعمين لحمدوك والدعم السريع وواحدين كده مستفيدين من الموضوع ده عشان بسترزقوا منه وللاسف هم سودانيين وسودانيات ،

المهم حسي الناس في السودان وخارج السودان الناس البقروا الواقع كويس والناس المتعلمين تعليم كبير زي مدامنا دي التي تعتمد علي المنجل وشوف الكف حوش حوش ديل كلهم قالوا هم مبسوطين جدا جدا والحرب انتهت في السودان وأنا أقول ذلك الحرب انتهت في السودان ولكن هنالك اثار مابعد الحرب من ظواهر سالبة غرسها فينا الدعم السريع وناسه وسلوكه المشين دي تحتاج لسنوات وسنوات لإزالتها متماشية مع بناء واعمار البنية التحتية التي دمرها الدعم السريع وحرب السودان في السودان .

كم انت عزيز ياوطني

كم انت عزيز في السودان

عشت ياسودان وعشت ياشعب السودان حرا أبيا