عبد القادر ابوالقاسم يكتب اقبل العذر

يا ريت القديم يرجع ونعتذر

للبلد الصابر وفات حد الصبر

شاسع رحيب وخيرا مدفق منهمر

يكفينا ويفيض ما كنا بنصدر

انواع حبوب وفاكه وتمر

ولحوم انواع الأبيض والحمر

غير المعادن كم زول عبر

وساقنا السوق سواقة ضر

نتسابق نسينا يوم السفر

همنا الدنيا وكومنا الكبر

نبني البيوت حيط منظر

نكنز الأموال سواة قيصر

ما همانا جارا ضاق واتضجر

من الفاقه والجوع العصر

والمرض الوجع لمن فتر

لا شكوى لا اااخ بالجهر

والناس بتنهش في البحتضر

ما كان سفيه روى بالسكر

وحرامي سارق كم نفر

وسمعتو زاع سيطه انتشر

والزول بريئ وزولا بحر

جواد وراجل دغري ومقتدر

ولو سمع زور الملفق والخبر

من حالتو ديك كان انتحر

يا ناس حرام شوفوا العبر

والجاتنا حق ودرسا يا بشر

نسأل المولى الساق الغدر

يلطف بينا ويلهمنا الصبر

يرفع البلاء ويجبر الانكسر

وليك يا بلد روحنا والعمر

وندمنا بس تتقبل انت العذر