عبد القادر ابوالقاسم يكتب حبر الدم

سطرت اسمك يا بلد خطا عريض

في صفحة التاريخ هيبه وعلم

معلم ملهم الأوطان سكه وسبل

كلما حمي الوطيس حمى واحتدم

ممهور رجاله وتضحيات عالي الهمم

 مكتوب مناضل في الأزل بحبر الدم

قوه وثبات وحدة وتكاتف شعب

وجيش جسم واحد نهض التحم

شباب وشيب احرار صف انتظم

تحت امرة القاده رفعوا التمام

ديل الأسود الجبال براكين وحمم

على بلدنا مؤمنين بالشرعيه نتحزم

عدونا ندكو نلبس جماجمو جزم

نسقيهو ذله اتجرع للموت طعم

جنودنا بيان بالعمل ماهو نضم

شايلين الوطن في حدق العين

لابسين الشرف كاكي والاكفان عمم

طلقوا الدنيا عشقوا لعزه وخليلا

ليها يجودوا بالأرواح تعيش تسلم

البطاول عليك بلدي وليك ظلم

يطمع في خيراتك وليهو عشم

يكون السيد المتسلط وبيك مهتم

الغاصب المحتل الآمر وهو البحكم

يخطط يجيب مرتزقه كمين كم

بعيثو في بلادنا خراب عشان ينعم

من ثرواتنا ينهب يعبي ويخم

يسرح بي غنم ابليس ويتحلم

فوقناك بي جيوش دروع وقشم

لغتهم علم الدواس البل والجغم

بعد نقش الابره بي المهله

زردوك زروك شرك الجو كتم

أرضا سلاح واحد من الاثنين

تسلم عشان تسلم وسلاح نغنم

ولا تموت موت المعيز والضان

فطيس وودر ضاعت حياتو وهم

الداعمنك يجنو الحسره اطنان هم

بعد العدا محال يجدي الندم

يا راعي الحروب شيطان العرب

ود زايد الجلف بياع المكارم والذمم

نسى معروفنا للبينا هدا وهدم

اتنكر اصلو الخسيس غير محترم

خرجناك من كليه حربيه بطل

طلعت الباء وبقيت للعماله علم

عاديت الدين سموك رمز الخراب

يد صهيون ملطخه رويانه دم

نسأل المولى الكريم فيك نتشفى

تطرش تعمى تنشله تجن تبكم

يجيك مرض شارون دوام تنذم

يطول أجلك كلما عشت تتالم

وليك يا بلدي تحيه الف سلام

تقوم مارد ومتربع أعلى قمم