نمارق بت العيكورة كم من النساء كانت بتحلم بالسند

كم من النساء كانت بتحلم بالسند الحقيقي ويا للأسف طلع اكبر الاعداء ليها كم وكم من كانت تعانى والصمت داخلها يكبت مشاعرها وتتغلب عليها الدموع ومشاعر الخوف من أهلها والمجتمع فكانت الضحيه هى نفسها

من كان لها ملاذآ فى يوم من الايام هو نفسه من قتلها وأنهى حياتها ليدور فى خاطرنا الف سوال ولا اجابه له

زمان ما كنت لى سند

وقت عقدو العرس تما

كت كايسه الحنان فيكا

اختا حمولى وانجما

تشيل احزانى من جواي

اخدمك حافى بي بهمه

اجيبو وليد شبيهك بس

ينادي عليااااا ياااااا يمه

كت عشمانه واملى كبير

توووووصل قلبي للقمه

ما قيلاكا ياخ فى يوم

قلبك للحسد لمااااااااه

نسيت حبل الوداد الكان

قطع احشااااائي يا يمه

سل سكينو بين الناس

بطاعن فيني ما هماه

اريتك اصلو ما كت لى

بعد زاع الخبر عماااا

ضحيه وزي ياخى كتير

اموووت مغدورة يا يمه

ضحيه وراها الف سوال

اجابه تبرررررررر الذمه

سوال حاير بدورلو جواب

صحيح اليوم خلص تما

كيفن هنتا ياخى عليك

بدم بارد القليب سماه