الاغنية الشمالية في خندق واحد مع الجيش   المليشيا تهاب الشمال  وفيهو عارفه آبتدخل محال بقلم: متوكل طه محمد احمد

تمر علينا الذكرى الثانية لاندلاع حرب الكرامة والتى قدم فيها جيشنا العظيم دروس وعبر تقف شعوب العالم وتسطر بإعجاب بطولات الجيش السوداني ومنذ استقلال السودان كتب الشعراء الكثير عن بطولات الجيش

يعتقد أن أول أغنية وطنية حديثة فى السودان هي نشيد (صه يا كنار) الذي كتب كلماته الشاعر محمود أبوبكر:

صه ياكنار وضع يمينك في يدي

ودع المزاح لذي الطلاقة والدَّدِ

صه غير مأمور وهات مدامعاً

كالأرجوانة وأبكِ غير مصفدِ

/سأزود عن وطني وأُهلك دونه يوماً يجئ فيا ملائكة اشهدي).

وعندما جاءت قوات الدعم السريع لمطار مروى استبسل فرسان الحامية 19مروى وقدموا أرواحهم فداء لهذا الوطن

ونخص بالذكر قيادات الحامية الذين تصدوا في بسالة يدعمهم المستنفرين بقيادة الراحل محمد اب حوتى والهبت هذه التضحيات الشعراء وكتبوا الكثير وكتب شاعرنا الكبير بدوى عكود حفيد مهيرة بت عبود هذه الابيات

سجل تواريخ تعجبك

وتشبه ملامحك ياوطن

لا هد حليل عزمك حرب

لافك صبرك قيد رسن

*****

شهقت لياليك العجاف

صبرن معاك طول الزمن

وعاشت علي حد الكفاف

بنوتنا ما اتبرجن

*****

اتوضا جايك الصباح

اغسل عضاك من الدرن

وطقطق مفاصل الوجعة فيك

نضف وسخ كل البدن

*****

رايم منابع الانبطاح

وعفوية العرف الكمن

وسد الزرايع تالا ديل

ديلاك براك عارف التمن

*****

خليها شامخة العزة فيك

مهما البلاد حولك طغن

وما تلوث ايديك بالسعال

عند الله ليك قرضا حسن

****************

وتبقي الأغنية الوطنية باعثة ومحفزة لحب الوطن وبذل الغالي والنفيس والتضحيات الجسام من أجله؛ لذلك ربما غالباً ما ينحو شعراء الأغنية الوطنية إلى صياغتها في كلمات من أجل حض وتحريض الشعوب على الدفاع عن أرضهم وصون تراب وطنهم وحماية مكتسباته دفاعا عن هويتهم التى حاول عربان الشتات محوها وتدميرها وكتب الشاعر الفاتح ابراهيم بشير والاستاذ محمد سفلة قصيده فخرا بحامى الحمى جيشنا الباسل تقول

تاني لينا الكاكي جلباب

وتبقي عمة راسنا هي الكاب

البيوت دون باب مابتقيف

والشرف يحموهو بالسيف

الجبان في حاره آبيقيف

والبيابه الجيش مو نضيف

ده الرضع من صدر الوطن

الثبات قبال اللبن

عهدو يبقي وطن محصن

يايموت والكاكي الكفن

المليشيا تهاب الشمال

وفيهو عارفه آبتدخل محال

فيهو قاده ضكاره ورجال

وصح جنودو اسود الجبال

$$$$$$$$$$$$$$$

اليقين نضاف الظنون

والملان ايمان مابيخون

الرمش حراااس العيون

والبلد غير جيش مابتكون

حاميه اولاده منقيييين

صفوه في الوطنيه والدين

من جهه وحزب مبرئييين

لي وطن وااااحد منتمين

وداير اخص في مروي قادات

حيرو البركل في الثبات

علمونا الواحد ان مات

في سبيلنا بيفدي بالذات

في المطار تاريخ اتكتب

لي الزمان بي موية الدهب

الغشيم وروهو العجب

لما من قدامن هرب

: وحدو الجيش الكان صمد

وبالنفس والروح ماجحد

دقه صدرو اب قلبا اسد

وشال براهو تقيلة البلد

فوق ضفاف نيلنا غرب شرق

نسمه فايحه مباري العرق

ديمه في افراحنا جرتق

وفي حوانا امينه ومرق

ويمضى شعراء منحنى النيل ويصورن كيف هربت الأحزاب السياسية من ميادين القتال وتركت الشعب السودانى يقاتل وحده

*كلها الاحزاب عردت*

*وفي فظايعنا اتفرجت*

*مافي واحد فيهم ثبت*

*او سال في الحاله البقت*

والى الذين يشككون في مقدرات جيشنا يصفهم الفاتح بشير بقوله

**اليزكر الجيش بي كعب*

*يبقي خاين وما مادب*

ويبقي واجبنا نضايرو تب

ومن غنمنا نزيلو الجرب

ونحنا تاني قبيله وحزب*

في سلام اوكان في حرب

داب وعينا عرفنا الدرب

وغيرو جيشنا ولاب نجرب

ويمضى صديقه الشاعر محمد سفلة ممجدا صمود جيشنا وتضحية جنوده بالروح

*وحدو الجيش الكان صمد*

*وبالنفس والروح ماجحد*

*دقه صدرو اب قلبا اسد*

*وشال براهو تقيلة البلد*

ويواصل الشاعر الفاتح ابراهيم

يوم ضهرنا عديل انكشف

وبان عدونا عيان واتعرف

مين بلا جيشنا ركز وقف

ومين حمانا وبقه هو الهدف

ومن مروى يعلنها الشاعر محمد سفلة داعيا الشباب الى لبس الكاكى

*واليخش بيناتنا كضاب*

*ماحايحصد غير السراب*

*تاني لينا الكاكي جلباب*

*وتبقي عمة راسنا هي الكاب*

وتظل الكلمات التى سطرها الشعراء وهم يتغنون بحب الوطن

يقول الشاعر بدوى عكود

نحن سلامنا في الاسلام من زمنا تعرفو كريت

ومابيلهينا عنك وعنو يوم ياعازة انترنيت

وهاك آ عازة من وصية طول ماك عابدة رب البيت

قدور مانطفي نار الفتنا نلقي عدونا صابي الزيت

،،،،،،،،

والجيش ديل جمال الشيل فراسة اصلو مابتنقاس

شايلين عازة جوه العين ودين شرع الله فوق الراس

حالفين بي الاه الكون الخلق الارض والناس

يفدوه الوطن والدين لاخر رمقة في الانفاس

واصلو سلامنا في الاسلام واصلو اسلامنا لينا اساس

ومن ماقمنا ماشفناه قسم للخلق اجناس

ديل الكفرة والاعداء سلالة القرده والنسناس

فرقوا بين شمالنا جنوبنا

وطبلوا جنوبنا بالترباس

وعشان ينجبر المكسور ونعيش الفرح بي احساس

عشان رضوت عيون دارفور نبيع كل الدهب والماس

وما نخليها للماجور ولا الفوق الخمور جلاس

ولا للعملا والطابور ولا العايشن بلا احساس

وعندنا اصلو ساعت الموت الابرة بتوازن الفاس

وغير لي الله مهما كان حالفين ما نطاطىء راس