أحمد سيقا.. ما شاء الله رياضي، وقلب كبير، وتاريخ يشهد عليه

في زمن بقى فيهو الكلام كتير والفعل قليل، في رجال أعمالهم بتتكلم عنهم، وميادينهم بتشهد ليهم، وساحاتهم بتحكي قصتهم.

واحد من الرجال ديل هو *أحمد سيقا*.

أحمد سيقا ما شاء الله رياضي من الطراز الأول، رياضي بأخلاقه وبعطائه، وبمحبتو لأهله ومنطقته.

*صاحب برنامج مطبخ الخرطوم*، البرنامج البقى بيت لكل الناس، برنامج الخير والمحبة ولمّة الأهل، برنامج ما كان للشهرة، كان لخدمة الناس، ولسد جوع المحتاج، ولفرحة المساكين.

أحمد سيقا له إسهامات كبيرة لا تنكر في *تكوين الرياضة في منطقة صالحة*، وقف من البداية، تعب وساهر واجتهد، عشان الشباب يلقوا ميدان يلعبوا فيهو، ويلقوا نادي يلمهم، ويلقوا رياضة تحميهم من الضياع.

وقدم الكثير والكثير *للأندية بالريف الجنوبي*، دعم بالمال، ودعم بالجهد، ودعم بالحضور، ودعم بالكلمة الطيبة. ما قصر مع نادي، ولا خذل فريق، ولا اتأخر عن نداء.

*وتشهد عليه الميادين، وتشهد عليه الساحات، وتشهد عليه الرياضة* كلها.. كل ميدان في صالحة وفي الريف الجنوبي فيهو بصمة أحمد سيقا، وكل دورة رياضية فيهو اسمو، وكل شباب لعبوا كورة عارفين فضلو عليهم بعد الله.

وفوق ده كلو، قدم الكثير من *أعمال الخير*، بصمت وبدون ضجيج، ساعد الأرامل، ووقف مع الأيتام، ودعم الأسر المتعففة، وكان سند لكل محتاج.

يا جماعة، الرجل ده ما داير مننا غير كلمة طيبة، وما داير مننا نكسر ضهرو، ولا نحبطو، ولا نقلل من قيمتو.

*نحن ما بنكسر ضهر رجالنا، نحن بنرفعهم، وبندعمهم، وبنقيف معاهم.*

رسالتي لأهل صالحة والريف الجنوبي وللرياضيين كلهم:

حافظوا على رجالكم، أقيفوا مع أحمد سيقا، أدعموهو، وشجعوهو، عشان يواصل عطاؤو، وعشان برنامج مطبخ الخرطوم يواصل، وعشان الرياضة في منطقتنا تمشي لي قدام.

أحمد سيقا.. ربنا يوفقك، ويبارك فيك، ويجعل كل أعمالك في ميزان حسناتك، ويديك الصحة والعافية، وتواصل في طريق الخير والرياضة.

*نحن معاك، وما بنكسر ضهرك،