عبد القادر ابوالقاسم يكتب شعبي

شعبي عظيم
شعبي كريم
خضت النار
ليلك داك قلبتو نهار
كفاحك أدوم سنين في سنين
نخوض في الدم
عشان تسلم
كمان نتلم
عشان اللقمه تتقسم
نشيلك فوق شيوخ بنات وبنين
ليك حبي
ليك قلبي
ليك عمري
ويا وطني
بشيلك جوه في حدق العين
داك شبابك
واقف امامك
عشاني وعشانك
عشان عزة مكانك
يقاوم النار بام دلدوم وبالسكين
شبابنا شباب
الرأي جراب
في الحرب مهاب
شوف الاسباب
شجاع مؤمن ما بعرف اللين
ناس حماد
وناس ادروب
ناس تيه
وناس يعقوب
شوفو جنانا سيفو سنين
شباب اكتوبر
خاض ابريل
باب كرري
وشباب توتيل
ما بعرف الخوف لي دمو حنين
ثائر تقول بركان
حافظ الأرض بالدم
تشهد سماء امدرمان
شباب بزيل الهم
عليه مكتوب سوداني في الجبين
عشان عزه
وعشان عثمان
عشان اب عمه فيها الشال
عشان تتفجر الامال
ارجع اقول وبي كل حنين
شعبي عظيم
شعبي كريم
خضت النار
ليلك داك قلبتو نهار
كفاحك أدوم سنين في سنين