في رحاب الوطن حكومة الشنطة حكومات تجي وتخدعنا مرة وتاني مرة مابين الذكاء الاصطناعي وتأسيس كتب /اسامه مهدي عبد الله

منو القال ليك تأسيس موجوده في نيالا .

منو القال ليك حميدتي هو هو رئيس تأسيس منو القال ليك الحلو الماحلو مقبول في كاودا ناهيك عن قبوله في دارفور اسمعنا مره واجهلنا مره .

طياره طيري فوق بالله عليك طيري فوق جيبي لي خبر ترسين شرق الجبل .

واجب الاوطان داعينا ،جيش واحد ،شعب واحد .

عبد الواحد نور باص الكرة لي تأسيس ماقدر استلمها الحلو لأنها فكت منو بقي الدكه احسن ليه من كلام زي دا.اصلا حميدتي مغيب مره الشعب كله عارف .

بقي منو التعايشي الحايم ودايش هو والكفيل قالوا يطلعوا بيان إدانة علي نسق عبد الواحد نور ، قاموا اها وقعوا في الشرك ، كيف .

بقول ليك كيف لما تتحرر الفاشر من الحصار ونقوم ندق النوبه في اولاد الريف أو الرديف .

لكن زي الماقدر يصبر علي ديك البتقرا في جريدة ايام فضل محمد حاقول ليك حسي مابكره .

طلع بيان تأسيس الماعارفين ليها نحن كشعب سوداني الي اليوم وين تأسيس دي في كاودا ولا في بيت عبد العزيز الحلو ولا في تحت الارض في الانفاق في نيالا ولا في الروبوتات في الذكاء الاصطناعي .

صلوا معاي علي الرسول في يوم مولد الرسول الصادف بكره خميس اها صايمين ولا لا .

صلوا على الرسول وقولوا يارب واكثروا من الاستغفار والصلاه علي النبي محمد صلي الله عليه وسلم .

لو قلنا إن عبد الواحد نور رمي تأسيس المامعروفه وين في شركوا وكمان ولاه ولايات دارفور كمان ماعدا حاكم إقليم دارفور مني اركو مناوي وكمان ولاه دارفور رموا حكومتنا حكومه كرامه السودان في شرك اصدار بيان ، علي ضوءه ، أصدرت الدول الصديقه لحكومه السودان بيانات بناء علي مانقل في القنوات حول ماحدث في ترسين .

تقول لي شنو وتقول لي منو .

الفاز بالبريمو جهاز الأمن والمخابرات العامه ، الذي لم يصدر بيان انما أصدر تهنئة بمولد المصطفي صلي الله عليه وسلم .

تسالني مره وانا اجيب ليه حكومه تاسيس الاصطناعية قالت الضحايا (١٠٠٠) نسمه كده عدييل زي ما قال عبد الواحد ، وجبل مره من نيالا ساعه بس أو أقل بالظلط.البناه ، حاكم إقليم دارفور الأسبق أحمد إبراهيم دريج ليه مامشوا صوروا الحادث وحضروا انتشال الجثامين قال تأسيس قال ، تقول لي شنو، وتقول منو .

المي حامي ولا لعب غونج والغونج ده بلهجة أهل دارفور القديمه هو الضفدع ، وألمي هو الماء ، وحامي اي سخن ، شفتوا كيف .

المذيع التحفه العندي فيديو منو ، تم إرساله لي من داخل نيالا كضب حكومته ذاتها شفتوا اللعب الضاغط كيف قال هو بناء علي المهنيه في الاعلام صدقت ياباشا أها شنو اتحفنا قال الضحايا اثنين بس في القريه فقط نحن قبيل شن قلنا يازميل انت زميل ولا رفيق ولا جنجويدي رسينا علي بر .

بكره يادارفور نعود وفيك ننهي كمان وعود بالكرامه وفي الكرامه سودانا فوق .

جيش واحد

شعب واحد