مابين النصيح والفصيح دار القول الصحيح
حسن النخلي يكتب التحليق وسط الزحام
أنا داير اتكلم واقول اھم حاجة لحلحلة مشاكل السودان ھي مواجھة الحقيقة وھي انو شعار الديمقراطيات في السودان ماحقيقي لأنو الاحزاب في نفسھا داخل انظمتھا وھياكلھا مابتمارس الديمقراطية فبناء الاحزاب طائفي شمولي مبني علي الزعامات فكيف فاقد الشئ يعطيھ؟
الفصيح: دي نقطة مهمة جدًا! التي تحدثت عنھا وھي أن الأحزاب السودانية نفسها لا تمارس الديمقراطية داخليًا في ھيكلھا التنظيمي وتفتقر الي المؤسسية ، مما يجعلھا غير قادرة علي تقدم نموذج ديمقراطي حقيقي للشعب السوداني .فھي مبنية علي الطائفية والشمولية وتركز على الزعامات والهياكل التقليدية، مما يؤكد ان الديمقراطية شكلية فقط. وھنا يتبادر السؤال المهم جدًا: كيف يمكننا ان نحقق ديمقراطية حقيقية في السودان إذا كانت الأحزاب نفسها لاتؤمن بھا ولا تمارسها؟
النصيح : اھا وبعدين يجو يكوركو فوق راسنا بالديمقراطيات الزايفة ويملونا فقر وفوضي ولما تغلبھم يسلموا الحكم للعساكر ويقولو ليك بعيدھا دا انقلاب علي الديمقراطية ھي وينھا الديمقراطية البنقلبو عليھا؟ علي اليمين دي مسخرة ساااي ديل بقوا ياصاحبي متل البيت العاملة تفتيح وش وايدينا سوداء بقت يديھا زي الماحقتھا ولا وشھا الايدين تابعات ليھو المھم الجسم واحد لكن في عدم انسجام وتوافق اھا دا حال احزابنا علي الحرام.
الفصيح: ياصديقي ھذا الوصف مطابق تماما لحال الأحزاب التي أصبحت تجمل وجھھا بالديمقراطية وهي بعيدة كل البعد عنها، وايديها سوداء من الفساد والفشل. والأسوأ من ذلك محاربتھم للشعب المتمثل في تقويض الدولة السودانية أو لجؤھم للجيش للتغطية مشاكلهم، ومن ثم ينادوا بالديمقراطية لكأن الشعب ساذج لا يعلم شيئا ! وھذا عبث واستخاف بالشعب ومقدرات الوطن ، ولذلك فإن الأحزاب تحتاج مراجعة نفسها قبل أن تتحدث عن الديمقراطية. فماذا نحن فاعلون لتغيير ھذا الوضع ؟
النصيح: نعمل رايحيين من الجماعة ديل ونشوف ديشنا ونقيف معاھ ونبني بلدنا بلا احزاب بلا ھم وتعب في الفارغة والمقدودةوضياع زمن سااااكت، ناس الديش بتاعين شغل وجادين وكان قلت للبشتغلو في الاسبتاليات والزراعة والداھي البقولو لو الكامبيوتر .
الفصيح: ھھھھ. تقصد الكمبيوتر والتكنولوجيا الرقمية وكدا؟
النصيح: اي ياھو السجمان دا مالا مابتدور تجي فوق خشمي ؟عندنا الوليدات البعرفو ليھا والنزيدك من البيت قصيد ما عندھم شغلة بالأحزاب تب.
الفصيح: نفھم من كلامك يالنصيح نجيبھم نشغلھم موظفين في الدولة ؟
النصيح: اي بالحيل والدكاترة كمان والمھندسين ھا يزول ھا مايدوك الدرب ديل الفي البلد بس دا غير البرا وبدورو يرجعو .
الفصيح :ياسلام عليك يالنصيح كلامك صحيح .
النصيح /دقيقة دقيقة انت من كلامك انا فھمت انو الاحزاب السودانية مابتمارس الديمقراطية داخليا ولذلك دا ادي لفشلھا ..ماياھو كلامك يالفصيح ؟؟
الفصيح: نعم ھو كذلك .
ولكنا نربد أن نعرف دور الشباب والكفاءات الوطنية في تغيير ھذا الوضع ؟ وانت يالنصيح قلت انھم عندھم القدرة علي بناء البلد لكن ماناقشنا الدور دا بشكل عميق وامكانية الاستفادة من الفرص المتاحة ليھم وكيف يمكنھم لعب دور اكبر في تغيير الوضع السياسي في السودان ؟
وھذا الجانب المھم المفروض نتكلم عنھ.
النصيح /كدي انت في رايك دا بكون كيف بدون فلسفة او تعقيدات.
الفصيح /بسيطة!
في رأيي، أن الأحزاب السودانية محتاجة تراجع نفسها وتبني هياكل ديمقراطية حقيقية. والشعب السوداني محتاج يشارك في بناء بلده بدون انتظار من الأحزاب التقليدية.
النصيح /دا ماياھو كلامنا القبيل ذاتو مالك يازول إت خرف؟؟
الفصيح/ آسف
لم أخرف ، فقط كنت في عالم تاني
كلامنا القبيل كان حلو، نكمل من وين وقفنا؟
الفصيح :كنت سارح بغنم ابليس يازول؟
النصيح: لا لا
كنت سارح في عالم الأحزاب والديمقراطية
وليس بغنم ابليس ولا حاجة .
النصيح :طيب وصلت لشنو؟
الفصيح/ وصلت لأنو نحن كشعب سوداني محتاجين نعمل تغيير حقيقي في بلدنا، ونبنيها بدون الأحزاب التقليدية دي
النصيح :وطيب باقي ليك ھم والناس البرا ديل بخلوك تبني البلد؟
الفصيح : دا السؤال الكبير الناس البرا ديل عندهم دور كبير في دعم السودان، لكن في نفس الوقت نحن محتاجين نعمل على نفسنا أول
يعني، لو نحن كشعب سوداني بنينا بلدنا وبقينا جاهزين، الناس البرا حايدعمونا أكيد.
النصيح /طيب نسوي شنو في شان نطمنم انو نحنا مابندور الخراب لا لينا ولا ليھم بس كمان نحنا الحقارة مابنقبلا ولو من ود عمنا ات ماك عارف طبعنا نحنا نفسنا حااار تب .
الفصيح :آاي عارف .. وخلينا في المھم الآن وكلام حرارة القلب دا موضوع تاني ..المھم ياالنصيح
أول حاجة، لازم نكون واضحين ونزيھين في تعاملنا مع الناس البرا. ونقدر نبين ليهم إنو نحن نريد نبني بلدنا ونطوّرها، ونريد نكون شركاء في التنمية.
ونقدر نقدم خطط واضحة وشفافة للتنمية، ونشرك الناس البرا في مشاريعنا. وكمان، لازم نكون مستعدين للمساءلة والمراقبة، عشان يطمئنوا إنو أموالهم حاتستخدم في الخير وفي المكان الاتفقنا عليھو.
واهم حاجة، نحن بنقدر نبني بلدنا بنفسنا، وما بنقبل أي حاجة تضرنا أو تضر الناس البرا. نحنا عاوزين نبني بلدنا بنفسنا، وعاوزين نكون شركاء في التنمية العالمية .
النصيح :بارك الله في طمنتي ..لكن بدور اقولك العطالة القاعدين برا ديل وعاملين في سياسين وبغشغشو فوق الناس البرا ديل وبدرو يخربو البلد جت نسوي ليھم شنو عشان نتفك منھم ؟؟
الفصيح /ياأخي دا واقع مؤسف .
أول حاجة، لازم نكون واضحين مع الناس البرا ونحذرهم من الناس دي. ونقدر ننشر معلومات عنهم وعن أفعالهم، ونبين ليهم إنو هم ما بيمثلوا الشعب السوداني.
كمان، لازم نكون أقوياء في مواجهة الفساد والغش. نقدر نقدم شكاوى ضد الناس دي، ونطالب بالتحقيق في أفعالهم.
والاهم من كدا، لازم نكون ايجابيين في تفكيرنا. بدل ما نركز على الناس دي، نركز على بناء بلدنا وبناء مستقبلنا. نحن بنقدر نبني بلدنا بنفسنا، وبنقدر نتفك من الناس دي .
النصيح: والله كلامك دا كلو صاح إت قريت لحدة وين ؟؟راسك دا كلو ملان فھم تراككا ماھاك ھين ياوليد.
الفصيح/أنا
ما قريت أكتر من الجامعة
بس الحمد لله ربنا منحني شوية فهم
وراسي دا ما هين زي ما بتقول
بس المهم إنو كلامنا يكون مفيد .
وحفظ الله البلاد والعباد.
جيش واحد شعب واحد.
ودمتم سالمين ولوطني سلام.
الجمعة /13/فبراير /2026
كيف نحارب النفوذ في السودان رسالة الي قيادات الدولة في كل مكان ؟
المرحلة القادمة في تاريخ السودان هي مرحله تاسيس الدولة السودانية علي أسس تواكب الذي يجري ح…
